ກອງປະຊຸມຝຶກອົບຮົມ ການນຳໃຊ້ເຕັກໂນໂລຊີ ຂໍ້ມູນຂ່າວສານ ເຂົ້າໃນວຽກງານບໍລິຫານຂອງພາກລັດ ( ການລົງທະບຽນອອນລາຍ )

21/11/2022

ກອງປະຊຸມຝຶກອົບຮົມ ການນຳໃຊ້ເຕັກໂນໂລຊີ ຂໍ້ມູນຂ່າວສານ ເຂົ້າໃນວຽກງານບໍລິຫານຂອງພາກລັດ ( ການລົງທະບຽນອອນລາຍ )

ໃນລະຫວ່າງວັນທີ 16 – 17 ພະຈິກ 2022 ຢູ່ທີ່ຫ້ອງປະຊຸມຂອງພະແນກ ເຕັກໂນໂລຊີ ແລະ ການສື່ສານ ແຂວງຫຼວງນ້ຳທາ ໄດ້ເປິດກອງປະຊຸມຝຶກອົບຮົມ ການນຳໃຊ້ເຕັກໂນໂລຊີ ຂໍ້ມູນຂ່າວສານ ເຂົ້າໃນວຽກງານບໍລິຫານຂອງພາກລັດ ( ການລົງທະບຽນອອນລາຍ ) ຂື້ນ ພາຍໃຕ້ການເປັນປະທານຂອງທ່ານ ພູນແກ້ວ ເຫຼົາອິນ ກຳມະການພັກແຂວງ ຫົວໜ້າພະແນກ ເຕັກໂນໂລຊີ ແລະ ການສື່ສານ ໂດຍມີນັກສຳມະນາກອນມາຈາກ ບັນດາພະແນກການອ້ອມຂ້າງແຂວງ ມີບັນດາອົງການ ແລະ ລັດວິສາຫະກິດ ເຂົ້າຮ່ວມ 44 ພາກສ່ວນ ເຊິ່ງມີຜູ້ເຂົ້າຮ່ວມທັງໝົດ 50 ທ່ານ, ຍິງ 11 ທ່ານ
ຈຸດປະສົງຂອງກອງປະຊຸມຝຶກອົບຮົມຄັ້ງນີ້ແມ່ນການສ້າງ ແລະ ນຳໃຊ້ ( Web App ລົງທະບຽນອອນລາຍ ) ຊື່ງເປັນຮູບແບບໃໝ່ການໃນລົງທະບຽນເຂົ້າຫ້ອງປະຊຸມຕ່າງໆ ພຽງແຕ່ມີ QR Code ໄວ້ໃນໂທລະສັບມືຖື ກໍສາມາດລົງທະບຽນເຂົ້າຫ້ອງປະຊຸມດ້ວຍການສະແກນຈາກຜູ້ລົງທະບຽນຫ້ອງປະຊຸມ ໃນນັ້ນທາງທິມງານວິທະຍາກອນຈາກຂະແໜງເຕັກໂນໂລຊີ ແລະ ນະວັດຕະກຳ ພະແນກເຕັກໂນໂລຊີ ແລະ ການສື່ສານ ກໍໄດ້ເອົາໃຈໃສ່ໃນການສົ່ງຄວາມຮູ້ທາງດ້ານ ໄອຊີທີ ໃຫ້ແກ່ນັກສຳມະນາກອນ ແລະ ນັກສຳມະນາກອນກໍ່ໄດ້ມີການສົນທະນາແລກປຽນຄຳເຫັນ ຢ່າງກົງໄປກົງມາຕໍ່ວິທີການລົງທະບຽນແບບອອນລາຍ
ໃນຕອນທ້າຍຂອງກອງປະຊຸມຝຶກອົບຮົມ ທ່ານ ພູນແກ້ວ ເຫຼົາອິນ ກຳມະການພັກແຂວງ ຫົວໜ້າພະແນກ ເຕັກໂນໂລຊີ ແລະ ການສື່ສານ ກໍໄດ້ມີຄຳເຫັນໂອລົ້ມຕໍ່ກອງປະຊຸມຝຶກອົບຮົມ ທີ່ມີຄວາມໝາຍອັນສຳຄັນໃນການຫັນເປັນລັດຖະບານດິຈິຕ໋ອນ ດ້ວຍການນຳໃຊ້ເຕັກໂນໂລຊີ ຂໍ້ມູນຂ່າວສານ ເຂົ້າໃນວຽກງານບໍລິຫານຂອງພາກລັດ ແລະ ກ່າວປິດປະຊຸມໃນເວລາ 11 ໂມງ 30 ນາ.
ພາບ : ທ ເດດ ຕະພອນ ອ້ຽງລໍລາດ
ຂ່າວ : ທ ພອນພະຈັນ ຄຳມະຈັນ

 

ການເຝົ້າລະວັງ
ວິໃສທັດ