ກອງປະຊຸມປະເມີນຜົນການຈັດປະຕິບັດວຽກງານປະຈຳປີ2022

21/11/2022

ກອງປະຊຸມປະເມີນຜົນການຈັດປະຕິບັດວຽກງານປະຈຳປີ2022

ຕອນເຊົ້າຂອງວັນທີ 15 ພະຈິກ 2022 ຢູ່ທີ່ຫ້ອງປະຊຸມພະແນກເຕັກໂນໂລຊີ ແລະ ການສື່ສານ ໄດ້ເປີດກອງປະຊຸມປະເມີນຜົນການຈັດຕັ້ງປະຕິບັດຫນ້າທີ່ວຽກງານຂອງພະນັກງານ - ລັດຖະກອນປະຈໍາປີ 2022 ຂື້ນ, ພາຍໃຕ້ການເປັນປະທານຂອງທ່ານ ຈັນທອງ ແກ້ວປະເສີດ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງຫຼວງນ້ຳທາ ມີຫົວໜ້າພະແນກ, ຮອງຫົວໜ້າພະແນກ, ຫົວໜ້າຂະແໜງ, ຮອງຂະແໜງ ພ້ອມດ້ວຍພະນັກງານ - ລັດຖະກອນ ພາຍໃນພະແນກເຂົ້າຮ່ວມທັງໝົດ 27 ທ່ານ, ຍິງ 12 ທ່ານ.
ໃນກອງປະຊຸມໄດ້ຈັດຕັ້ງເຊື່ອມຊືມດໍາລັດ 300/ລບ ວ່າດ້ວຍການປະເມີນຜົນການຈັດຕັ້ງປະຕິບັດຫນ້າທີ່ວຽກງານຂອງພະນັກງານ - ລັດຖະກອນ. ຈາກນັ້ນຄະນະພະແນກໄດ້ຜ່ານບົດປະເມີນ ແລະ ສະເໜີໃຫ້ພະນັກງານ - ລັດຖະກອນປະກອບຄໍາເຫັນສົ່ງຂ່າວເຊີ່ງກັນ ແລະ ກັນ ແນ່ໃສ່ປັບປຸງດ້ານອ່ອນຄົງຄ້າງ ແລະ ສົ່ງເສີມຕັ້ງຫນ້າ. ຕອນທ້າຍກອງປະຊຸມຍັງໄດ້ຮັບຟັງການໂອ້ລົມຈາກທ່ານ ຈັນທອງ ແກ້ວປະເສີດ ຮອງເລຂາພັກແຂວງ ຜູ້ຊີ້ນໍາຂົງເຂດພັກ - ພະນັກງານຂັ້ນແຂວງ. ກອງປະຊຸມປະເມີນຜົນງານດັ່ງກ່າວໄດ້ສໍາເລັດລົງໃນເວລາ 16 ໂມງ 00 ນາທີ ຂອງວັນດຽວກັນ.
ພາບ ແລະ ຂ່າວໂດຍ: ນາງ ສາຍສຸລີ ໄຊຍະຈັກ

 

ການເຝົ້າລະວັງ
ວິໃສທັດ